(patouè de Veullanoua)
La manifestachón, organizaye pe l'Asséssorà de l'éducachón é de la queulteua, reprézente eun randévoù eumpourtàn pe tcheut le patouazàn di diffiente réjón de la zona francoprovensala (Val d'Ousta, Savoué, Chouisse, é vallaye di Piémón) que se retrouon tsaque an, a tor de rolo, deun eunna de seutta réjón.
Courmayeur - 6 é 7 dé sétémbro 2014
(patoué dé Bretsón)
Tseht'an sarà Courmayeur qu'ou l'acouèyérà a Féhta di patoué o 6 é o 7 dé sétémbro 2014. A Féhta l'é organizà da Réjón énsémbio o Centre d'Études francoprovençales "René Willien" é a quemeunna dé Courmayeur.
Ou sarat un momèn moué émportàn pé o nohtro patoué, vu qué, én a méma périodda, y é saràn d'echportif dé teut o mondo (60 pais) qu'i partisipon ou Tor des Géants, eunna compétitsión dé coursa (endurance trail) qu'a pasa pé le montagne da Val d'Ohta.
En pieuch, pé tsi qu'i lammon a quejeunna dé montagna, désando 6 dé sétémbro, ou mentén dé Courmayeur y é sarat Lo matson, un martchì dé prodouì tipique qu'ou luvrérà éntó eunna tséna itinéranta.
Vouéilà caque dzenta fotografia de la Fita di patoué 2014 de Cormeyaou.
