Concours de patois Abbé J.-B. Cerlogne

(patouè de Vagrezentse)

Tsaque an, l'Assessorà organize, eun collaborachón avouì lo « Centre d'Études Francoprovençales René Willien » de Saint-Nicolas, lo Concour Cerlogne : la premiéye édichón l'é issée féite l'an 1963. Si concour euntérèche tcheu le-z-àn eun bió mouéi d'écoilléi di-z-ecoulle maternelle, élémantére é mouayenne de la Réjón méi feunque d'atre llouà, eun témouagnadzo que lo territouéro leungueusteucco francoprovansal chor di confeun de noousa Valléi : partesipon a si concour étó de cllasse de la Savoué, dou Valais, di valléi francoprovansale dou Piémont é di communotéi allofone de Faeto é de Celle di San Vito de la proveunse de Foggia.
Son but l'é si léi de pouchéi le-z-écoilléi a la retsertse di documèn eun patoué que féyon partia de la tradechón orala, su un tème que conserne la sivilizachón alpestre é que tsaque an l'é diferèn, é de stimuléi l'eunteré di novéye jénérachón eunver lo patoué.
Lo Concour Cerlogne euncomenche avouì dave dzornà de préparachón é de formachón pe le-z-eunségnàn que son euntéréchà.
Lo lon de l'an scolére le métre é le-z-écoilléi réalizon de-z-enquéte eun tsu le parèn, le granpéye ou le granméye, ...To lo matériel recouillà (vioù documèn, fotografie, objé, témouagnadzo oral, ...) l'é organizà, analizà é lo rezultà de la retsertse pou isséi prézentà dézó la forma d'eun album illustrà, d'eun Cdrom, de cassette a acoutéi é a avéitchéi... Le travaille son conservà ou « Centre d'Études Francoprovençales » ioou pouon isséi consultà.
Pe fenì, ou mèi de méi, tcheu le partésipàn se retroouon pe tréi dzor a l'occajón d'eunna bala féisa de clloouzura organizée, tsaqueunna a son tor, de eunna di queméye de la Val d'Ousta.

Pe l'an scolére 2015/2016 l'é la queméya de Tsaensoù que accueille lo Concours lo 19 é 20 de mi 2016.

55° Concoù Cerlogne »

L'édichón 2016-2017 di Concoù dédiaye a l'abé J.-B. Cerlogne

Matériel didatteucco »

Decouvrade, dedeun seutta sechón, le materiel didatteucco réalizoù pe le parcoù d’animachón dédià i-z-icoule que partisipon i 54° Concoù Cerlogne.

Le sujé di Concour »

Tsaque an eun nouì tème llettó i milieu valdotèn.

Parcoû spérimantal »

Eun nou parcoû spérimantal que ramplache le viille-z-animachón dedeun le hllasse.

Dzornoù de préparachón é de formachón »

Dzournoù nèisue pe perféchoréi la préparachón di-z-eunségnàn que partesipon ou Concours.

Amis de Cerlogne »

Tsaque an lo prì Ami de Cerlogne l'é désernà a tcheu le-z-eunségnàn que l'an partesipà a djéi ou multiplo Concour.

Archive Concours Cerlogne »

Decouvrade le-z-édichón pasaye di concoù scolére dédià a l'abì Cerlogne.