(patoué de La Salle)
Lo voyadzo i mentèn di coheumme é di féihe de la Valoou d’Oouha no-ze amén-e si maise a la découverta di corvéi, cougnue comme la fahón de ontretchan-ì le térèn é le ru l’iforiéi.
Sisse traille de groupe son areuoou canque a no on traèsèn le généachón é l’an an forta valeuo queulterella, ranforchon le lien ontre le dzée que s’acapon telle dzoo é partisipon i traille, é on pi éidzon belle é bièn a mantchan-ì on viya le savoir-faire d’on coou.
Le corvéi de montagne demooufron comàn on traille pou tchandjè é on méimo ten poou tchandjè pe ren don lo ten; l’è pe seutta réizón que vardon leuo valeuo méimo i dzoo de ouì é que l’an to lo drouè d’ihe recougnue é partadjée.
Alèn vére de dequè no prèdzèn é aitsèn le fotografiye féite a l’ocajón d’an corvoou.