(patoué de Veullanoua)
Lo 25 é 26 mi pasó, la quemun-a d’Oyase l’a resè, pe la fiha finala, le 1130 partésipàn a la 61ima édichón di Concour scoléro de patouè « Abbé Jean-Baptiste Cerlogne », organizó pe la streutteua Espozichón é promochón de l’idantitó queulterella – BREL de l’Assessorà di-z-attivitó é di bièn queulterelle, di sistème éducatif é di poleteuque di relachón eunterjénérachonelle, eun collaborachón avouì lo Centre d'Études Francoprovençales « René Willien ».
Lo reutso programme de heutte doe dzornó l’a permettù i pitchoù de vire de spétacllo é de partésipé a de-z-attivitó amuzante é queulterelle, a de-z-ateillì de tsan é de danse tradichonelle é a d’atre que l’an moutró le sport populéro, que marcon la vitalitó de la tradichón locala é di patouè. Le traille prézentó pe le-z-ecoule, que hit an l’an traillà su lo sujé « Parler au cœur », son reustó espouzó to lo lon de la manifestachón.
La fiha finala l’è reustéye étò l’occajón pe gratifié, a traver lo pri « Ami de Cerlogne », le-z-eunségnàn que l’an partésipó a sinque ou pi édichón di Concour é l’an, deun heutta magnii, contrebuà a vardé é valorizé lo patouè valdotèn.
Voualà lo non di metresse que l’an resè lo pri :
Fiammetta Carugati |
10 an |
Annunziatina Di Lanna |
10 an |
Chantal Foy |
10 an |
Yvette Gorré |
10 an |
Annalisa Luisi |
10 an |
Nicole Notari |
10 an |
Elisabetta Yon |
20 an |
Nadia Girod |
30 an |
Le mèinoù, i contréo, l’an resè eun dzen cadó é eun livro illustró, dedià a la quemun-a d’Oyase, réalizó atò l’èidzo de la dessin-atrise Erika Centomo.
Pe nen saì de pi vezetode la séchón di site web dédiéye !