(patoué dé Bretsón)
L'é djeuchto sortì o sécòn numéró da collètsión dé fotoromàn én patoué, qué l'Assessorà Éducatsión é Queulteurra da Réjón Otonoma Val d'Ohta l'a voulù é l'a réalizà, én collaboratsión avó a Fédérachon valdoténa di téatro populéro.
Tsi co, son cattro le compagnè dé téatro qu'i no prézénton, a traver y imadje é le dialogue, le cattro pièces qu'i l'an résità l'an pasà, ou lon dou Printemps théâtral.
I son : a compagnà La Ville de Cordèle dé Jovençan, éntó Lo ban di martchà, a compagnà Le Badeun de Chouéléy dé Saint-Christophe, éntó Niméó, a compagnà Lè Guiandéc è Fouhetéc dè Vión-a dé Hône, éntó An bon-a mén-éhtra, é a compagnà Le Béguiò dé Valtournenche, éntó La Cabana.
Tsétta initsiativa a fèi part da poletécca queulteurella dé l'Assessorà, qu'a l'a comme obiétif a sovégarda é a valorizatsión dou patoué qué l'é a lénga dou cour di Valdotèn é qué l'ét én tré dé vénì eunna lénga contùn pieu moderna é bona dé dehcrire é couenté totte tchoze, belle un fotoromàn qué l'é un janre particuyé.
Ou lon dou Printemps 2012 sortéran-pe y atre tré numéró.
Le copée da publicatsión sé poon troé o Téatre Giacosa, le net di spectacle dou Printemps, ou a Infoculture é l'é co pochébio dé ié dehtchardjé vents a sétsión dou site qu'a prèdja dé l'initsiativa.
Énformatsión :
Asséssorà de l'éducachón é de la queulteua
16, Creu-de-Veulla - 11100 Veulla
+39 0165 43386 - 363540
asspatois@regione.vda.it
www.patoisvda.org
Infoculture
18, Creu-de-Veulla - 11100 Veulla
+39 0165 265113 - 548116
infoculture@regione.vda.it
www.regione.vda.it/cultura