(patoué dé Bretsón)
Y échcritsión i gno cours dé l'École populaire de patois son iverte tanque o 12 dé noémbro qu'ou vièn.
Le cours son dechténà séa a tsi qu'i cognichon pé ren o patoué séa a tsi qu'i lamméròn aprofondì le iour cognichéntse.
Son dé cours pé y adulte qu'i vènéràn feut a net, dou més dé noémbro 2015 tanque ou més dé marts 2016.
Co pé tseht'an son propozà tré janre dé cours:
- cours dé echpressión orala, léngua é tchivilizatsión (un nivó baze é un nivó aprofondichemèn) ;
- cours dé grafia é dé réflésión so a lénga, rézervà a quieu ou prèdja djan o patoué ;
- cours dé téatro.
So a baze dé y échcritsión, le cours saràn organizà én Ohta é én Ata é Basa Val.
Dé tsé, poeu ivré a fiche pé s'éhcrire én légna. I poeu acheu désidé dé vo ehcrire én alèn i buró dou BREL (16, ru Crouch-dé-Veulla - Ohta).
Pé nen saé dé pieuch, poeu aité a sétsión dou sito dédià a l'initsiativa.
Renségnemèn:
ASSESSORAT DE L'ÉDUCATION ET DE LA CULTURE
BREL
16, ru Crouch-dé-Veulla, 16
11100 OHTA
Tél. 0165 363540 / 43386 ; Fax 0165 44491