La queultivachón di séréale l’at an plase fondemantala deun l’économia é deun la magnie tradichonella de se nerì eun montagne. Lo blo é la mirga son a la baze di déféèn medjé é seurtoù la neriteua achuéye pe le comunitó. Eun pi, le prateuque agricole tradichonelle que chovèn eun fé deun seutte réjón, euncoadzon le-z-étsandzo di déféente cultivachón, sen que permè d’avèi todilón de bon térèn reutso é fécón deun lo ten. La queultivachón di séréale baille po maque de qué medjé i dzi, mi l’et étò an fasón pe le campagnar d’avèi de gagnadzo é de vardé le tradichón agricole paséye de jénérachón eun jénérachón.